جبر الخواطر

ياسر سيد ابوستيت
2021-05-19T06:18:00+00:00
2021-09-09T13:05:14+00:00
منوعات
ياسر سيد ابوستيت19 مايو 2021آخر تحديث : الخميس 9 سبتمبر 2021 - 1:05 مساءً
796500578819313 - ياسر ابوستيت

لما راجل بسيط طول عمره بيركب مواصلات يشقي و يجمع قرشين بالعافية بعد سنين شغل و يروح يشتري عربية 128 علي قد الحال ..
و يفرح بيها مع اسرته و يروح يغسلها في البنزينه و يشتري كاسيت و فرش جديد للعربية و ينزل من بيته كل شوية يطمن علي العربية و يصورها . .
لما تقابلة قولة مبرووك .. و بلاش تقتل فرحتة بكلمة او استظراف او تريقة زي مثلا عربية دي و لا ميدالية او اية العربية القديمة دي ..
لازم تفهم ان العربية دي بالنسبه له مرسيدس اخر موديل ..
ماتكسرش فرحته و اقترح عليه لون حلو للفرش الجديد ..
لما مراتك تقعد طول النهار في المطبخ علشان تجهزلك اكلة بتحبها ، لما تاكل و تلاقي الملح زايد او ناقص .. اوعي تشتكي و تحرجها و قولها تسلم ايدك و شكرا علي تعبك ..
لما حد يشتري لبس جديد و يقولك اية رأيك ، بلاش تقولة دة شبة مفرش السفرة و تخلية يكتئب و يرمي اللبس .. مش هيحصلك حاجة لما تقولة دة اخر شياكه ..
.. ده مش كدب علي فكرة ده اسمة جبر الخواطر ..
جبر الخواطر بكلمة هيخليهم طايرين في السما
وكسر الخاطر بكلمة يحاسبك عليها ربنا ..

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.