التخطي إلى المحتوى

هكلم النهاردة في حاجه مهمة ودايما بتكون سبب مشاكل مع كتير من العملا ونقول شويه نصايح عشان الكل يستفيد
 

💳 اللي في الصورة ده الظرف الخاص بالرقم السري الخاص بكروت البريد المصري

💳 الظرف ده عباره عن طبقتين من الورق ملتصقين ببعض وحدود الكرت عباره خط منقط لسهوله الفتح

💳 كروت البريد دايما بيجي معاها الظرف ده اللي فيه الرقم السري واللي احيانا كتير من العملا تفتكر انه حاجه اضافيه مع الكرت وف ناس مش بتاخد بالها وترميه اول ما تستلمه

💳 وانت بتستلم الكرت بتاع البريد اي كان نوعه اتأكد انك تستلم الرقم السري بتاعه لانه مش زي البنك تاخد الكرت وتعمله رقم سري ع المكنه

💳 الظرف اللي ف الصوره عليه 3 ارقام هنوضحها بتشير لأيه:

رقم 1 ده بيبقا الاسم المطبوع ع الكرت و ع الرقم السري وبالنسبه للصوره ده رقم سري لكرت ايزي باي بس لو كان رقم سري لكرت حساب شخصي هيبقا عليه اسم صاحب الكرت

 رقم 2 بيبقا تحته الرقم السري مطبوع هنلاقيه عباره عن 4 ارقام باللون الازرق مطبوع ع الطبقة السفلية من الظرف

 رقم 3 ده اربع مقاطع كل مقطع اربع ارقام بيمثلو رقم الكرت وهو هو الرقم المطبوع ع كرت الفيزا. رقم الكرت غيييييير رقم الحساب ياجماعه — رقم الحساب لو مش عارفينه نقدم الكرت للموظف ونطلب منه رقم الحساب

💳 الرقم السري للكرت اول حد بيشوفه هو العميل لما بيفتح الظرف ده . يعني لا موظف المكتب ولا حتى موظف المطبعه اللي بيعمله ولا حتى ع السيستم بيبقا متاح انه يتعرف يعني لما يضيع منك متفتكرش انه الموظف ممكن يكون عنده طريقه عشان يرجعهولك

 طب لو ضاع الرقم السري او نسيناه ايه الحل؟

* لو كرت ايزي باي او كرت وزاره الماليه دول ملهمش بدل .العميل هيتصل بخدمه العملا ويطلب منهم ايقاف الكرت وبعدها يقدر يصرف الرصيد بالكامل اللي ع الكرت لأخر مره بصوره البطاقه من اي مكتب وكده الكرت هيتصفى نهائيا ويصبح بلا قيمه والعميل يعمل غيره لو محتاج. وده نفس الاجراء لو الكرت نفسه ضاع او تلف

 

* اما لو كرت حساب شخصي العميل هيروح المكتب ويطلب اصدار رقم سري بدل برسوم 5 ج وصوره بطاقه بعد ما يعمل استماره الطلب ويمضي عليها وبننصح دايما لو هتعمل طلب رقم سري بدل يكون من نفس المكتب المفتوح فيه الفيزا

#فيزا_البريد_المصري_Qena_Visa

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *